VRYDAG 27 NOVEMBER
19:00
Braai
Kos sal verskaf word. Ons het 'n paar drankies beskikbaar, maar julle is welkom om ligter drank saam te bring vir die aand.
Ons Storie
Ons storie het begin in 2020, in die middel van Covid, toe twee vriendegroepe besluit het om ná die November-eksamens saam vakansie te hou in Stilbaai — ’n kans om bietjie weg te kom en asem te haal na ’n vreemde jaar.
Een aand het die groepe bymekaar gekom vir ’n braai, en dit is waar Claudia & Marco mekaar vir die eerste keer ontmoet het. Wat begin het as ’n gewone kuier, het vinnig ontwikkel in 'n spontane vriendskap. Teen die volgende dag het hul al ure saam deurgebring, gelag en mekaar beter leer ken. Selfs ’n simpel “jelly-balletjie” was vir ’n dag lank hul aangenome kind en moes na gekyk word tussen die twee van hul.
Toe die vakansie eindig, skaars uit Stilbaai, het Claudia n Instagram boodskap ontvang waar daar gevra word vir haar bankkaart en CVV nommer. In plaas van haar kaartnommer, toe stuur sy eerder n veiliger nommer - haar selfoonnommer. En so was die res geskiedenis.
Ses jaar later is hul hier, gereed om ’n lewe saam te bou. Nie net gebaseer op daardie eerste ontmoeting nie, maar op alles wat daarna gekom het en alles wat nog voorlê.